வரவு செலவுத் திட்டம்: மூன்றாம் வாசிப்பு வாக்கெடுப்பு; ஜனாதிபதி விசேட உரை
வரவு செலவுத் திட்டத்தின் (Budget) மூன்றாம் வாசிப்பு மீதான வாக்கெடுப்பு இன்னும் சிறிது நேரத்தில் நடைபெறவுள்ள நிலையில், பாராளுமன்றத்திற்கு வருகை தந்த ஜனாதிபதி அநுர குமார திசாநாயக்க அவர்கள் சபையில் சிறப்புரை ஒன்றை நிகழ்த்தி வருகிறார்.
வரவு செலவுத் திட்டத்தின் மூன்றாம் வாசிப்பு மீதான விவாதம் இன்று (டிசம்பர் 05) அதன் இறுதி நாளை நிறைவு செய்தது.
இந்த விவாதத்தின் போது, நாட்டில் உருவாகியுள்ள அனர்த்த நிலைமை குறித்து ஆளும் மற்றும் எதிர்க்கட்சி உறுப்பினர்கள் கருத்துக்களைப் பகிர்ந்துகொண்டனர்.
இந்தச் சூழ்நிலையில், ஐக்கிய மக்கள் சக்தி (SJB) உட்பட சில எதிர்க்கட்சிகள், வரவு செலவுத் திட்டத்திற்கு எதிராக வாக்களிப்பதைத் தவிர்ப்பதற்குத் தீர்மானித்துள்ளதாக அறியப்படுகிறது.