அனர்த்த பாதிப்புத் தகவல் புதுப்பிப்பு: பலி எண்ணிக்கை 627 ஆக உயர்வு; 21 இலட்சத்துக்கும் மேற்பட்டோர் பாதிப்பு
இலங்கையில் அண்மையில் ஏற்பட்ட வெள்ளம், மண்சரிவு உள்ளிட்ட இயற்கைச் சீற்றங்களால் உயிரிழந்தவர்களின் மொத்த எண்ணிக்கை 627 ஆக உயர்ந்துள்ளதுடன், 190 பேர் இன்னும் காணாமல் போயுள்ளனர்.
அனர்த்த முகாமைத்துவ நிலையம் இன்று (டிசம்பர் 7) நண்பகல் 12 மணிக்கு வெளியிட்ட சமீபத்திய அறிக்கையில் இந்த விவரங்கள் வெளிப்படுத்தப்பட்டுள்ளன.
மாவட்ட ரீதியான உயிரிழப்புகள்: அதிகளவான மரணங்களைப் பதிவு செய்த மாவட்டங்களாக கண்டி (232), பதுளை (90), நுவரெலியா (89), மற்றும் குருணாகல் (61) ஆகியவை உள்ளன.
மொத்தப் பாதிப்பு: நாட்டின் 25 மாவட்டங்களைப் பாதித்த இந்த அனர்த்தங்களால் மொத்தமாக 611,530 குடும்பங்களைச் சேர்ந்த 2,179,138 பேர் (21 இலட்சத்துக்கும் அதிகமானோர்) பாதிப்படைந்துள்ளனர்.
வீட்டுச் சேதங்கள்: இந்தச் சீரழிவுகளால் 4,517 வீடுகள் முழுமையாகவும், 76,066 வீடுகள் பகுதியளவும் சேதமடைந்துள்ளன.
முகாம்களில் தங்கியுள்ளோர்: அனர்த்தம் மற்றும் அபாயம் காரணமாக இடம்பெயர்ந்த 89,857 பேர் நாடு முழுவதும் நிறுவப்பட்டுள்ள 956 இடைத்தங்கல் மையங்களில் தங்கியுள்ளனர்.
