இலங்கையின் டிஜிட்டல் கட்டமைப்பை மேம்படுத்தும் முக்கிய நடவடிக்கையாக, டயலொக் ஆசிஆட்டா பிஎல்சி தனது புதிய சேவையான “Dialog 5G Ultra”-ஐ அதிகாரப்பூர்வமாக வெளியிட்டுள்ளது.
இது நாட்டின் டிஜிட்டல் பரிணாம வளர்ச்சிப் பாதையிலும், 5G யுகத்தை நோக்கிய பயணத்திலும் ஒரு முக்கியமான மைல்கல்லாகப் பார்க்கப்படுகிறது. டயலொக் தற்போது நாடு முழுவதும் 220க்கும் அதிகமான நேரடி 5G தளங்களுடன், 1.5 மில்லியனுக்கும் மேலான வாடிக்கையாளர்களுக்கு சேவையளிக்கும் இலங்கையின் விரிவான 5G வலையமைப்பை இயக்குகிறது. இலங்கையில் பொது மக்களுக்கான 5G சேவையை முதன்முதலில் வழங்கிய முன்னோடி என்ற தகுதியுடன், அடுத்த தலைமுறைத் தொடர்பாடல் தொழில்நுட்பத்தில் டயலொக் தனது தலைமைப் பாத்திரத்தை மீண்டும் நிலைநிறுத்தியுள்ளது.
Dialog 5G Ultra சேவையானது அதிக வேகத்தையும், குறைந்த தாமதத்தையும் (low latency), மேலும் மேம்பட்ட வலையமைப்புத் திறனையும் உறுதி செய்கிறது. இது இலங்கையின் பயனாளர்களுக்குச் செழுமையான டிஜிட்டல் அனுபவங்களைத் தருவதோடு, பெருநிறுவனங்கள் மற்றும் தொழில்துறை பிரிவுகளுக்கான முன்னேறிய ஆற்றலையும் வழங்குகிறது. பரந்த மொபைல் கவரேஜுக்குத் தேவையான 3500 MHz அலைக்கற்றை மற்றும் அதிவேகத் தரவுப் பயன்பாட்டுக்கான 27 GHz அலைக்கற்றை ஆகிய இரண்டையும் பயன்படுத்துவதால், எதிர்காலத் தேவைகளுக்கான நுகர்வோர் மற்றும் பெருநிறுவனப் பயன்பாடுகளை ஆதரிப்பதில் டயலொக் தனித்துவமான நிலையில் உள்ளது.
வெளியீட்டு விழாவில் உள்ளவர்கள் (இடமிருந்து வலம்): டயலொக் ஆசிஆட்டா பிஎல்சி குழுமப் பிரதம தொழில்நுட்ப அதிகாரி ரங்க காரியவசம், குழுமப் பிரதம செயற்பாட்டு அதிகாரி லிம் லி சான், Dialog 5G Ultra மூலம் இயங்கும் NOVA எனப்படும் Humanoid Robot; பணிப்பாளரும் குழுமப் பிரதம நிறைவேற்று அதிகாரியுமான சுபுன் வீரசிங்க, குழுமப் பிரதம வணிக அதிகாரியும் பதில் குழுமப் பிரதம நிதி அதிகாரியுமான முனேஷ் டேவிட்.
இந்த வெளியீடு குறித்து டயலொக் ஆசிஆட்டா பிஎல்சியின் குழும தலைமை நிர்வாக அதிகாரி சுபுன் வீரசிங்க கருத்துத் தெரிவிக்கையில், “இலங்கையின் எதிர்கால டிஜிட்டல் அடிப்படைக் கட்டமைப்பை வலுப்படுத்துவதில் ‘Dialog 5G Ultra’ அறிமுகம் ஒரு தீர்க்கமான தருணம்; 5G என்பது வெறும் உயர்வேக இணைய இணைப்பு மட்டுமல்ல, அது டிஜிட்டல் பொருளாதாரத்தில் புத்தாக்கம், உற்பத்தித்திறன் மற்றும் அனைவரையும் உள்ளடக்கிய வளர்ச்சியைத் தூண்டும் ஒரு முக்கிய சக்தியாகும். இலங்கையின் மிகப் பெரிய 5G வலையமைப்பு என்ற வகையில், நாடு முழுவதும் 5G இணைப்பை விரிவாக்க அடுத்த இரண்டு ஆண்டுகளில் 100 மில்லியன் அமெரிக்க டாலர்களை முதலீடு செய்ய நாங்கள் உறுதிபூண்டுள்ளோம். இதன் மூலம் தனிநபர்கள், வணிகங்கள் மற்றும் தொழில்துறையினர் டிஜிட்டல் இலங்கையின் பயன்களை முழுமையாகப் பெறுவதை நாங்கள் உறுதி செய்கிறோம். அத்துடன், 5G அலைக்கற்றையை ஒதுக்குவதற்காக மிகவும் வெளிப்படையான ஏல முறையை கையாண்ட இலங்கைத் தொலைத்தொடர்பு ஒழுங்குமுறை ஆணைக்குழுவிற்கும் இலங்கை அரசாங்கத்திற்கும் எமது நன்றியைத் தெரிவித்துக் கொள்கிறோம்,” என்றார்.
தெற்காசியாவிலேயே முதன்முதலில் 2G, 3G மற்றும் 4G தொழில்நுட்பங்களை அறிமுகப்படுத்தியது முதல், ஆரம்பகால 5G செயல்விளக்கங்களுக்கு முன்னோடியாகச் செயல்பட்டது, அத்துடன் பல ஆண்டுகளாக நாட்டின் மிகப்பெரிய 5G சோதனை வலையமைப்பை இயக்கியது வரை, டயலொக்கின் 5G பயணம் புத்தாக்கத்தின் வலுவான மரபைக் கொண்டுள்ளது. தற்போது ‘Dialog 5G Ultra’ உத்தியோகபூர்வமாகத் தொடங்கியுள்ளதால், இந்த உயர் செயல்திறன் தொழில்நுட்பம் அன்றாட வாழ்க்கை மற்றும் வணிகச் செயல்பாடுகளுடன் கலந்து, புதிய மாற்றங்களை உருவாக்க உள்ளது.
இந்த வெளியீட்டைக் கொண்டாடும் விதமாக, ஸ்மார்ட்போன்கள், தரவுத் திட்டங்கள் (Data Plans) மற்றும் உள்ளடக்கம் (Content) என பல்வகை 5G சலுகைகளை டயலொக் அறிமுகப்படுத்தியுள்ளது. இது வாடிக்கையாளர்கள் தங்களது மொபைல் மற்றும் பொழுதுபோக்குத் தேவைகளுக்காக 5G இன் முழுத் திறனை அனுபவிக்க வழிவகுக்கும். மேலதிக விவரங்களுக்கு www.dialog.lk ஐப் பார்வையிடவும்.
மேலும், 76 நாடுகளில் 155 சர்வதேச மொபைல் நிறுவனங்களுடன் இணைந்து, இலங்கையின் விரிவான 5G ரோமிங் வலையமைப்பையும் டயலொக் வழங்குகிறது. இதன் மூலம் 5G திறன் கொண்ட ஸ்மார்ட்போன்களைப் பயன்படுத்தும் டயலொக் வாடிக்கையாளர்கள் வெளிநாடுகளுக்குப் பயணிக்கும் போதும் தடையற்ற அதிவேக இணையத்தைப் பெறலாம். இது உள்நாட்டு மற்றும் வெளிநாட்டுப் பயணிகளுக்கு உலகத் தரம் வாய்ந்த மொபைல் அனுபவத்தை வழங்குவதில் டயலொக்கின் முன்னிலைப்பாட்டை உறுதி செய்கிறது.
இலங்கைக்கு எதிர்காலத் தொழில்நுட்பங்களை கொண்டு வருவதில் முன்னோடியாக இருக்கும் டயலொக், நாட்டின் டிஜிட்டல் மாற்றத்தை மேம்படுத்தவும், தனிநபர்கள் மற்றும் வணிகங்களை வலுப்படுத்தும் உலகத்தரம் வாய்ந்த தொடர்பாடல் அனுபவங்களை வழங்கவும் தொடர்ந்து அர்ப்பணிப்புடன் இருக்கும்.
- நாடு முழுவதும் 220 இற்கும் மேற்பட்ட நேரடி 5G தளங்கள்
- இலங்கையில் முதன்முதலாக வணிக ரீதியான 5G அதிவேக Gigabit சேவை
- நிறுவனங்களுக்கு மேம்பட்ட தீர்வுகளை வழங்கும் 27 GHz அலைக்கற்றை கொண்ட ஒரே நிறுவனம்
- 3500 MHz அலைவரிசை ஊடாக நாடு தழுவிய 5G கவரேஜ்
- 2 வருடங்களில் இலங்கை முழுவதும் 5G வலையமைப்பை விரிவுபடுத்த 100 மில். டொலர் முதலீடு
- 76 நாடுகளில் 155 சர்வதேசப் பங்காளர்களுடன் இணைந்து விரிவான 5G ரோமிங் வசதி
- சுற்றுலாப் பயணிகள், வெளிநாடு செல்லும் இலங்கையர்களுக்கு சிறந்த சேவை